ഖത്തറിലെ അൽ വക്രയിൽ പരിശോധന കാമ്പയിൻ
ദോഹ: ഖത്തറിലെ അൽവക്രയിൽ പരിശോധന കാമ്പയിൻ. ‘എന്റെ നഗരം പരിഷ്കൃതമാണ്’ എന്ന കാമ്പയിൻ ഭാഗമായാണ് നടപടി. പരസ്യങ്ങളും പൊതു ശുചിത്വവുമായി ബന്ധപ്പെട്ട ലംഘനങ്ങൾക്കെതിരെ ഓഗസ്റ്റ് 11 മുതൽ 17 വരെ അൽ വക്ര മുനിസിപ്പാലിറ്റി 988 പരിശോധനാ ടൂറുകൾ നടത്തി.
ഈ കാലയളവിൽ ജനറൽ കൺട്രോൾ വിഭാഗം 824 പരിശോധനാ ടൂറുകൾ നടത്തി, അതിൽ 24 നിയമലംഘന റിപ്പോർട്ടുകൾ ചെയ്തു. ഉപേക്ഷിക്കപ്പെട്ട വാഹനങ്ങളുമായി ബന്ധപ്പെട്ട 16 നിയമലംഘനങ്ങളും 2017 ലെ 18-ാം നമ്പർ പൊതു ശുചിത്വ നിയമത്തിലെ വ്യവസ്ഥകളുമായി ബന്ധപ്പെട്ട ആറ് നിയമലംഘനങ്ങളും ഇതിൽ ഉൾപ്പെടുന്നു.
കൂടാതെ, പരസ്യങ്ങളുടെ നിയന്ത്രണം സംബന്ധിച്ച 2012 ലെ 1-ാം നമ്പർ നിയമം പ്രകാരം രണ്ട് നിയമലംഘന റിപ്പോർട്ട് ചെയ്തിട്ടുണ്ട്. പൊതു പാർക്കുകളിലും പൂന്തോട്ടങ്ങളിലും 224 പരിശോധനകളും നടന്നതായി അധികൃതർ അറിയിച്ചു.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/HqcUyFlZWDpLpVcL9LHHX8?mode=ac_t
Comments (0)