Pravasi Varthakal

എഐവ്യക്തിഗത വിവരങ്ങളുടെ സുരക്ഷ, ഡാറ്റ ദുരുപയോഗം, സാമൂഹിക പ്രശ്നങ്ങൾ എന്നിവയെ കുറിച്ചാണ് യുഎഇ ആശങ്കപ്പെടുന്നത്. അതിവേഗം വളരുന്ന സാങ്കേതികവിദ്യയുടെ ഈ കാലഘട്ടത്തിൽ വ്യക്തിഗത വിവരങ്ങൾ സംരക്ഷിക്കേണ്ടത് അത്യാവശ്യമാണെന്ന് UAE ഗവൺമെൻ്റ് സൈബർ സുരക്ഷാ മേധാവി ആയ ഡോ. മുഹമ്മദ് അൽ കുവൈത്തി പറഞ്ഞതായി ഗൾഫ് ന്യൂസ് റിപ്പോർട്ട് ചെയ്യുന്നു. അംഗീകാരമില്ലാത്ത ആപ്ലിക്കേഷനുകൾ ഉപയോഗിക്കുന്നത് നമ്മുടെ ഡാറ്റ ചോർച്ചയ്ക്കും, സാമ്പത്തിക പ്രശ്നങ്ങൾക്കും ഇത് കാരണമാകുമെന്നും അദ്ദേഹം മുന്നറിയിപ്പ് നൽകി. വിശ്വസനീയമല്ലാത്ത ഉറവിടങ്ങളുമായി സ്വകാര്യ ഫോട്ടോകൾ പങ്കിടുന്നത് വിവരങ്ങൾ ചോർത്താൻ കാരണമാകും എന്നും ഡോ. മുഹമ്മദ് അൽ കുവൈത്തി കൂട്ടിചേർത്തു.ചാറ്റ്ജിപിടി പോലുള്ള എഐ ടൂളുകളുടെ സാധ്യതകളെ അദ്ദേഹം പ്രശംസിച്ചു. പുതിയ സാങ്കേതിക യുഗത്തിന്റെ നാഴികകല്ലുതന്നെയാണ് ഇത്. നമ്മൾ എടുത്ത ഒരു ചിത്രം വളരെ ഭംഗിയുള്ള മറ്റൊരു ചിത്രമാക്കി മാറ്റുന്നത് അത്ഭുതം നിറഞ്ഞതാണ് ആകാര്യത്തിൽ സംശയമില്ല, പക്ഷേ അത് ഇരുതല മൂർച്ചയുള്ള ഒരു വാൾ ആണ് എന്ന് ആപ്പ് ഉപയോഗിക്കുന്ന നമ്മൾ മനസിലാക്കണം എന്നും അദ്ദേഹം ഓർമ്മിപ്പിച്ചു.എഐയുടെ ഉപയോഗം വ്യക്തിഗത വിവരങ്ങളുടെ സുരക്ഷയ്ക്ക് ഭീഷണിയാണ്, അത് ഉത്തരവാദിത്യത്തോടെ കെെകാര്യം ചെയ്യണം എന്ന് ഡോ. അൽ കുവൈത്തി അഭിപ്രായപ്പെട്ടു. AIയുടെ ഗുണങ്ങൾ നിഷേധിക്കാനാവില്ല. എന്നാൽ വ്യക്തിഗത വിവരങ്ങൾ എങ്ങനെയാണ് ഉപയോഗിക്കുന്നതെന്നും സംഭരിക്കുന്നതെന്നും ഉപയോക്താക്കൾ മനസ്സിലാക്കണം. എല്ലാ പ്ലാറ്റ്‌ഫോമുകളിലും ശക്തമായ സൈബർ സുരക്ഷാ മാനദണ്ഡങ്ങൾ നടപ്പാക്കണം.
എഐ ഉപയോഗിച്ച് നിർമ്മിക്കുന്ന ഉള്ളടക്കങ്ങൾ ക്രിയാത്മകമായ സാധ്യതകൾ നൽകുന്നുണ്ടെങ്കിലും‌‌ ദുരുപയോഗം ചെയ്യപ്പെടാനുള്ള സാധ്യത കൂടുതൽ ആണെന്ന് UAE ജേർണലിസ്റ്റ് അസോസിയേഷൻ അംഗവുമായ Adel Al-Rashed പറഞ്ഞു. സൗജന്യമായി ഉപയോഗിക്കാവുന്ന ആപ്ലിക്കേഷനുകൾ പലപ്പോഴും വിശ്വസ്ത കുറവായിരിക്കും. സുരക്ഷിതമല്ലാത്ത ആപ്ലിക്കേഷനുകൾ ഉപയോഗിക്കരുത്. പണം നൽകി ഉപയോഗിക്കുന്ന ChatGPTയുടെ Pro എഡിഷനുകൾ ഉപയോഗിക്കുന്നത് കുറച്ചു കൂടി സെെബർ സുരക്ഷ നൽകുന്നു. ഡാറ്റ പങ്കിടുന്നത് ഒഴിവാക്കാനുള്ള ഓപ്ഷനുകളും ഇതിലുണ്ട്. ഫ്രീ വേഴ്ഷൻ ഉപയോഗിക്കുന്ന വലിയ അപകടമാണ്.

എഐ നൽകുന്ന സാധ്യതകളെക്കുറിച്ച് ദുബായ് സോഷ്യൽ മീഡിയ ഇൻഫ്ലുവൻസർ Ibrahim Al-Thahli വിത്യസ്ഥമായ ഒരു ആശയം പങ്കുവെച്ചു. എഐ സാങ്കേതികവിദ്യ ജീവിതത്തിൽ പുതിയ മാറ്റങ്ങൾ കൊണ്ടുവരുന്നു. ആളുകൾക്ക് വിവരങ്ങൾ എളുപ്പത്തിൽ ലഭ്യമാക്കാൻ ഇത് സഹായിക്കുന്നു. സുരക്ഷാ ഭീഷണികൾ എക്കാലത്തും ഇൻ്റർനെറ്റിൻ്റെ ഭാഗമാണ്. AIക്ക് വളരെ വേഗത്തിൽ ചിത്രങ്ങൾ നിർമ്മിക്കാൻ കഴിയും. ചിലപ്പോൾ അനുമതിയില്ലാതെ പോലും നിർമ്മിക്കാൻ കഴിയും. സാങ്കേതിക പരിജ്ഞാനമില്ലാത്ത ആളുകൾ പറയുന്ന കാര്യങ്ങൾ കേട്ട് ഭയപ്പെടേണ്ടതില്ല. എഐ ഉപയോഗിക്കുമ്പോൾ ശ്രദ്ധയും അവബോധവും വേണം എന്നാണ് അദ്ദേഹം അഭിപ്രായം രേഖപ്പെടുത്തി. വേഗത്തിൽ വളരുന്ന ഒരു രാജ്യമാണ് യുഎഇ സാങ്കേതിക വിദ്യ ഉപയോഗിക്കുന്നതിലൂടെ ആളുകളുടെ ഭയം ഇല്ലാതാക്കാനാണ് ശ്രമിക്കേണ്ടത്. AIയെക്കുറിച്ച് പഠിക്കാനും സുരക്ഷിതമായി ഉപയോഗിക്കാനും ആളുകളെ പ്രോത്സാഹിപ്പിക്കണം. അതാണ് ഡിജിറ്റൽ സുരക്ഷയുടെ അടിസ്ഥാനം എന്നും അദ്ദേഹം അഭിപ്രായപ്പെട്ടു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g