നിങ്ങളറിഞ്ഞോ? ഖത്തറില്‍ വാഹനമോടിക്കുമ്പോൾ മൊബൈൽ ഫോണ്‍ ഉപയോഗിക്കുന്നവരാണോ? എങ്കില്‍ ഇനി പോക്കറ്റ് കാലിയാകും; മുന്നറിയിപ്പുമായി അധികൃതര്‍
ദോഹ: ഖത്തറില്‍ വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നതിനെതിരെ മുന്നറിയിപ്പുമായി ആഭ്യന്തര മന്ത്രാലയം. മൊബൈൽ ഫോൺ ഉപയോഗിച്ചാൽ 500 റിയാൽ പിഴ ഈടാക്കുമെന്നാണ് അധികൃതരുടെ മുന്നറിയിപ്പ്. ഇത് സംബന്ധിച്ച് സോഷ്യൽ മീഡിയയിൽ പങ്കുവെച്ച കുറിപ്പിലൂടെയാണ് ആഭ്യന്തരമന്ത്രാലയം ഇക്കാര്യം അറിയിച്ചത്. കൂടാതെ സീറ്റ് ബെൽറ്റ് ധരിക്കാതിരിക്കുക, അമിതവേഗത എന്നിവ അടക്കമുള്ള നിയമലംഘനങ്ങൾ കണ്ടെത്താൻ ജനറൽ ഡയറക്ടറേറ്റ് ഓഫ് ട്രാഫിക് ഏകീകൃത റഡാർ സംവിധാനങ്ങളും സ്ഥാപിച്ചിട്ടുണ്ട്.
നേരത്തെയും വാഹനമോടിക്കുന്നതിനിടെ മൊബൈൽ ഫോൺ ഉപയോഗിക്കുന്നതിനെതിരെ നിര്‍ദേശവുമായി മന്ത്രാലയം രംഗത്തെത്തിയിരുന്നു. കൂടാതെ മൊബൈൽ ഫോൺ ഉപയോഗം മാത്രമല്ല, വാഹനത്തിനുള്ളിൽ മോണിറ്റർ സ്‌ക്രീനിൽ ദൃശ്യങ്ങൾ കണ്ടുകൊണ്ട് ഡ്രൈവ് ചെയ്യുന്നതും നിയമലംഘനമാണെന്നും അധികൃതര്‍ വ്യക്തമാക്കി. ഇങ്ങനെ ചെയ്യുന്നവര്‍ക്കും ഇത്തരത്തില്‍ 500 റിയാൽ പിഴ ഈടാക്കുമെന്നും അധികൃതര്‍ അറിയിച്ചു.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/HqcUyFlZWDpLpVcL9LHHX8?mode=ac_t
Comments (0)