Pravasi Varthakal

സ്വ​കാ​ര്യ ന​ഴ്സ​റി, കെ.​ജി ക്ലാ​സു​ക​ളി​ൽ ആ​ഴ്ച​യി​ൽ നാ​ലു മ​ണി​ക്കൂ​ർ അ​റ​ബി പ​ഠ​ന​ത്തി​നാ​യി മാ​റ്റി​വെ​ക്ക​ണ​മെ​ന്ന്​ വി​ദ്യാ​ഭ്യാ​സ അ​തോ​റി​റ്റി​യാ​യ അ​ബൂ​ദ​ബി വി​ദ്യാ​ഭ്യാ​സ-​വി​ജ്ഞാ​ന വ​കു​പ്പി​ന്റെ (അ​ഡെ​ക്) നി​ർ​ദേ​ശം. ന​ഴ്സ​റി (പ്രീ ​കെ.​ജി) മു​ത​ൽ കി​ൻഡ​ർ ഗാ​ർട്ട​ൻ (ഒ​ന്നാം വ​ർഷം)​വ​രെ​യു​ള്ള കു​ട്ടി​ക​ൾക്കാ​ണ് പു​തി​യ ന​യം ബാ​ധ​ക​മാ​ക്കി​യി​രി​ക്കു​ന്ന​ത്. ചെ​റു​പ്രാ​യ​ത്തി​ൽ ത​ന്നെ മാ​തൃ​ഭാ​ഷ​യി​ൽ ശ​ക്ത​മാ​യ അ​ടി​ത്ത​റ​യു​ണ്ടാ​ക്കു​ക, സാം​സ്കാ​രി​ക-​ഭാ​ഷാ വൈ​ദ​ഗ്ധ്യം വ​ള​ർ​ത്തു​ക​യെ​ന്ന​താ​ണ് ന​യ​ത്തി​ന്റെ ല​ക്ഷ്യം.

ഈ ​വ​ർ​ഷം ആ​ഴ്ച​യി​ൽ 240 മി​നി​റ്റാ​ണ് അ​റ​ബി​ക്കാ​യി നീ​ക്കി​വെ​ക്കേ​ണ്ട​ത്. 2026-27 അ​ക്കാ​ദ​മി​ക വ​ർ​ഷ​ത്തി​ൽ ഇ​ത് അ​ഞ്ച്​ മ​ണി​ക്കൂ​റാ​ക്കി വ​ർ​ധി​പ്പി​ക്കും. പാ​ട്ടു​ക​ൾ, ക​ഥ​ക​ൾ തു​ട​ങ്ങി​യ​വ ഉ​പ​യോ​ഗി​ച്ചാ​കും പ​ഠ​നം. ഇ​ന്റ​റാ​ക്ടീ​വ് ക്ലാ​സ് മു​റി​ക​ളി​ൽ ന​വീ​ന പ​ഠ​നോ​പ​ക​ര​ണ​ങ്ങ​ളും ല​ഭ്യ​മാ​ക്കും. പാ​ഠ്യ​പ​ദ്ധ​തി​യി​ൽ അ​റ​ബി​യെ ഉ​ൾ​ക്കൊ​ള്ളി​ക്കു​ക മാ​ത്ര​മ​ല്ല വി​ദ്യാ​ഭ്യാ​സ വ​കു​പ്പി​ന്റെ ല​ക്ഷ്യ​മെ​ന്ന് ഏ​ർ​ളി എ​ജു​ക്കേ​ഷ​ൻ എ​ക്സി​ക്യൂ​ട്ടി​വ് ഡ​യ​റ​ക്ട​ർ മ​ർ​യം അ​ൽ ഹ​ല്ലാ​മി പ​റ​ഞ്ഞു.

അ​ബൂ​ദ​ബി​യി​ലെ ഓ​രോ കു​ട്ടി​ക്കും ഭാ​ഷ​യു​ടെ​യും സ്വ​ത്വ​ത്തി​ന്റെ​യും അ​റി​വു​ക​ൾ പ​ഠ​ന​ത്തി​ന്റെ ആ​ദ്യ​ദി​നം മു​ത​ൽ ത​ന്നെ ന​ൽ​കു​ക​യാ​ണ്. എ​ല്ലാ ക്ലാ​സ് മു​റി​യി​ലും, എ​ല്ലാ വീ​ടി​ലും അ​റ​ബി സ്വാ​ഭാ​വി​ക​മാ​യ മാ​ധ്യ​മ​മാ​യി മാ​റ​ണം- അ​വ​ർ കൂ​ട്ടി​ച്ചേ​ർ​ത്തു. 2025-2026 അ​ക്കാ​ദ​മി​ക് വ​ർഷം തു​ട​ക്കം​മു​ത​ൽ ന​യം ന​ട​പ്പാ​ക്ക​ണ​മെ​ന്ന് അ​ബൂ​ദ​ബി വി​ദ്യാ​ഭ്യാ​സ വി​ജ്ഞാ​ന വ​കു​പ്പ് വ്യ​ക്ത​മാ​ക്കി. അ​റ​ബി സം​സാ​ര ഭാ​ഷ​യാ​യ കു​ട്ടി​ക​ളോ അ​റ​ബി ഭാ​ഷ ആ​ദ്യ​മാ​യി പ​ഠി​ക്കു​ന്ന കു​ട്ടി​ക​ളോ ആ​ണെ​ങ്കി​ലും പ​ഠി​ച്ചു​തു​ട​ങ്ങു​ന്ന ഏ​റ്റ​വും നി​ർണാ​യ​ക സ​മ​യ​ത്ത് നി​ല​വാ​ര​മു​ള്ള അ​റ​ബി ഭാ​ഷാ​പ​ഠ​നം സാ​ധ്യ​മാ​ക്കു​ക​യെ​ന്ന​താ​ണ് ഇ​തി​ലൂ​ടെ അ​ധി​കൃ​ത​ർ ല​ക്ഷ്യ​മി​ടു​ന്ന​ത്. അ​റ​ബി സം​സാ​രി​ക്കു​ന്ന കു​ട്ടി​ക​ൾക്കും അ​റ​ബി​ക് അ​റി​യാ​ത്ത കു​ട്ടി​ക​ൾക്കു​മാ​യി ര​ണ്ട് രീ​തി​യി​ലാ​ണ് പ​ഠ​നം ന​ൽകു​ക. ക​ളി, ക​ഥ പ​റ​ച്ചി​ൽ, പാ​ട്ടു​ക​ൾ തു​ട​ങ്ങി​യ രീ​തി​ക​ളി​ലൂ​ടെ​യാ​യി​രി​ക്കും കു​ട്ടി​ക​ൾക്ക് അ​റ​ബി​ക് ഭാ​ഷാ പ​ഠ​നം സാ​ധ്യ​മാ​ക്കു​ക. നി​ര​വ​ധി കു​ട്ടി​ക​ൾക്ക് ഇ​പ്പോ​ഴും അ​റ​ബി ഭാ​ഷ ഉ​പ​യോ​ഗി​ക്കു​ന്ന​തി​ൽ ആ​ത്മ​വി​ശ്വാ​സ​മി​ല്ലെ​ന്ന് അ​ടു​ത്തി​ടെ ന​ട​ത്തി​യ സ​ർവേ​യി​ൽ വ്യ​ക്ത​മാ​യെ​ന്ന് അ​ഡെ​ക് പ​റ​യു​ന്നു. തു​ട​ർന്നാ​ണ് ഇ​ത്ത​ര​മൊ​രു തീ​രു​മാ​നം കൈ​ക്കൊ​ണ്ട​ത്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g