Pravasi Varthakal

യുഎഇയിൽ നിന്ന് റോഡ് മാർഗം ഒമാനിലേക്ക് യാത്ര ചെയ്യാൻ ഒരുങ്ങുകയാണെങ്കിൽ ചില പ്രധാന കാര്യങ്ങൾ തീർച്ചയായും അറിഞ്ഞിരിക്കണം.
നിങ്ങളുടെ കാർ വായ്പയിലോ അതോ മോർട്ട്ഗേജിലോ ആണെങ്കിൽ ബാങ്കിൽ നിന്ന് നോ ഒബ്ജക്ഷൻ സർട്ടിഫിക്കറ്റ് ആവശ്യമായി വന്നേക്കാം. യുഎഇ ഒമാൻ അതിർത്തിയിൽ അടുത്തിടെ ഒരു യാത്രക്കാരന്റെ അനുഭവത്തിന്റെ അടിസ്ഥാനത്തിൽ ഇത് സംബന്ധിച്ച കാര്യങ്ങളിൽ ചില നിർദേശങ്ങൾ കൂടെ നൽകിയിട്ടുണ്ട്. അതിൽ അധിക രേഖകൾ ഒഴിവാക്കാൻ ആഗ്രഹിക്കുന്നുവെങ്കിൽ ഒമാൻ ഇൻഷുറൻസ് പരിരക്ഷയുള്ള ഒരു വാഹനം വാടകയ്‌ക്കെടുക്കുക എന്നതാണ് ലളിതമായ ഓപ്ഷൻ എന്നാണ് വ്യക്തമാക്കുന്നത്.കൂടാതെ ദീർഘകാലമായി ഒമാനിലേക്ക് യാതൊരു പ്രശ്‌നങ്ങളുമില്ലാതെ വാഹനമോടിച്ചിരുന്ന ഒരാൾ 2024 ഡിസംബറിൽ നടന്ന അനുഭവം കൂടെ വിവരിച്ചു. യാത്രയ്ക്കിടെ യുഎഇ അതിർത്തിയിൽ വാഹനം തടഞ്ഞുനിർത്തി എന്നും, അവരുടെ കാർ പണയപ്പെടുത്തിയതിനാൽ ബാങ്കിൽ നിന്ന് എൻ‌ഒ‌സി നൽകാൻ ആവശ്യപ്പെട്ടതായും.കുടിശ്ശികയുള്ള വായ്പയ്ക്ക് സമാനമായ തുകയും 2 ശതമാനം ഫീസും ബാങ്കിൽ നിക്ഷേപിക്കണമെന്നും എൻ‌ഒ‌സി ലഭിക്കുന്നതിനായി മൂന്ന് പ്രവൃത്തി ദിവസങ്ങൾ കാത്തിരിക്കണമെന്നും ബാങ്ക് അറിയിച്ചതായും പറഞ്ഞു. കൂടാതെ ഈ ആവശ്യകത യാത്രക്കാരന് കാലതാമസത്തിനും അനിശ്ചിതത്വത്തിനും കാരണമായതായും വ്യക്തമാക്കി.അതേസമയം ഒമാനിലേക്ക് പണയപ്പെടുത്തിയ വാഹനം ഓടിക്കുന്ന പ്രവാസികൾക്ക് ബാങ്കുകളും അതിർത്തി അധികാരികളും സാധാരണയായി
ബാങ്കിൽ നിന്നുള്ള ഒരു നോ ഒബ്ജക്ഷൻ സർട്ടിഫിക്കറ്റ്, റീഫണ്ട് ചെയ്യാവുന്ന ഒരു സെക്യൂരിറ്റി ഡെപ്പോസിറ്റ്, ബാങ്ക് നിർദ്ദേശിച്ചിട്ടുള്ള അധിക വ്യവസ്ഥകൾ പാലിക്കൽ എന്നിവയാണ് ആവശ്യപ്പെടുന്നത്,ഇതിൽ പല കേസുകളിലും വാഹന ഉടമയോട് എൻ‌ഒസി നേടാനും ചിലപ്പോൾ റീഫണ്ട് ചെയ്യാവുന്ന സുരക്ഷാ നിക്ഷേപം നടത്താനും, അതിർത്തി കടന്ന് വാഹനം കൊണ്ടുപോകാൻ അനുമതി നൽകുന്നതിനുമുമ്പ് ചില നിബന്ധനകൾ കൂടെ പാലിക്കാനും ബാങ്കുകൾ ആവശ്യപ്പെട്ടതായും ചിലർ വ്യക്തമാക്കിയതായും റിപ്പോർട്ടിൽ ചൂണ്ടിക്കാട്ടി.അതേസമയം ഹത്ത (അൽ വജാജ) അതിർത്തി യുഎഇയ്ക്കും ഒമാനും ഇടയിൽ ഏറ്റവും കൂടുതൽ ഉപയോഗിക്കുന്ന ക്രോസിംഗുകളിൽ ഒന്നാണെങ്കിലും മെയ്‌സാദ്, ദിബ്ബ, അൽ ദറ തുടങ്ങിയ ചെക്ക്‌പോസ്റ്റുകളിലും സമാനമായ ആവശ്യകതകൾ ബാധകമായേക്കാം എന്ന ചില സൂചനകളും ഇതിൽ പറയുന്നു.കൂടാതെ ഇത്തരം കാര്യങ്ങൾ മുന്നിൽ കണ്ട് കൊണ്ട് യുഎഇയിൽ നിന്ന് ഒമാനിലേക്ക് റോഡ് മാർഗം പോകുന്നവരാണെകിൽ ഈ കാര്യങ്ങൾ ശ്രദ്ധിക്കുന്നത് നല്ലതായിരിക്കുമെന്നും സുഗമമായ യാത്രയ്ക്ക് ഈ കാര്യങ്ങൾ മുൻകൂട്ടി ആസൂത്രണം ചെയ്യേണ്ടത് ആവശ്യമായേക്കാമെന്നും അനുഭവത്തിന്റെ അടിസ്ഥാനത്തിൽ പലരും വ്യക്തമാക്കി.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g