യുഎഇയിൽ സ്വകാര്യ മേഖലയിൽ വിദഗ്ധ തൊഴിലാളികളുടെ എണ്ണത്തിൽ വർധന; തൊഴിൽ രംഗത്ത് വനിതകൾക്ക് നേട്ടം
യുഎഇയിൽ സ്വകാര്യ മേഖലാ സ്ഥാപനങ്ങളിലെ വിദഗ്ധ തൊഴിലാളികളുടെ എണ്ണം 45.46 ശതമാനമായി ഉയർന്നു. ഇതിൽ 28.86 ശതമാനവും വനിതകളാണെന്നു മാനവശേഷി സ്വദേശിവൽക്കരണ മന്ത്രാലയം അറിയിച്ചു.സർക്കാരിന്റെ സ്വദേശിവൽക്കരണ പദ്ധതിയായ നാഫിസ് നിലവിൽ വന്ന (2021) ശേഷം 1.15 ലക്ഷത്തിലേറെ സ്വദേശികളെ തൊഴിൽ പരിശീലനം നൽകി സ്വകാര്യ മേഖലയിൽ നിയമിച്ചു. ഇതോടെ തൊഴിൽ വിപണിയിലെ സ്വദേശി വനിതകളുടെ പ്രാതിനിധ്യം 21% വർധിച്ചു.
യുഎഇയിലെ മൊത്ത-ചില്ലറ വ്യാപാര വിപണി, നിർമാണ മേഖല, ഓഫിസ് നടത്തിപ്പ്, ഐടി, ശാസ്ത്ര സാങ്കേതിക മേഖല, വ്യവസായം, ആരോഗ്യം, സാമൂഹിക സേവന തൊഴിൽ മേഖല, വിദ്യാഭ്യാസം, ധനകാര്യം, ടെലികമ്യൂണിക്കേഷൻ, സംഭരണ, ഗതാഗത മേഖല തുടങ്ങിയ മേഖലകളിലാണു വിദഗ്ധ തൊഴിലാളികൾ കൂടുതലായി ജോലി ചെയ്തുവരുന്നത്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)