ജൂലെെയില്‍ മാത്രം സകാത്ത് സഹായം 40 മില്യൺ റിയാലിലധികം എത്തിയെന്ന് ഖത്തര്‍ ഔഖാഫ് മന്ത്രാലയം
ദോഹ: ഈ വര്‍ഷം ജൂലെെയില്‍ മാത്രം സകാത്ത് സഹായം 40 മില്യൺ റിയാലിലധികം എത്തിയെന്ന് ഔഖാഫ് മന്ത്രാലയം. സകാത്ത് കാര്യ വകുപ്പ് പ്രതിനിധീകരിക്കുന്ന എൻഡോവ്‌മെന്റ് (ഔഖാഫ്) ഇസ്ലാമിക കാര്യ മന്ത്രാലയം ഇത് സംബന്ധിച്ച ഡാറ്റ പുറത്തുവിട്ടത്. 2025 ജൂലൈയിൽ നൽകിയ മൊത്തം സാമ്പത്തിക സഹായം 40,336,734 റിയാലിലെത്തിയതായി കണക്കുകള്‍ വ്യക്തമാക്കുന്നു. ഇതോടെ 4,500 കുടുംബങ്ങൾക്ക് സകാത്ത് സഹായം ലഭിച്ചതായി അധികൃതര്‍ അറിയിച്ചു. ഈ വര്‍ഷം സകാത്ത് സഹായം രണ്ട് പ്രധാന വിഭാഗങ്ങളെ അടിസ്ഥാനമാക്കിയാണ് വിതരണം ചെയ്തത്. പതിവ് പ്രതിമാസ സഹായം, ഭക്ഷണം, പാർപ്പിടം, ഉപജീവനം എന്നിവയുൾപ്പെടെയുള്ള അടിസ്ഥാന ആവശ്യങ്ങൾ ആവശ്യമുള്ള കുടുംബങ്ങൾക്ക് 16,268,866 റിയാല്‍ നീക്കിവച്ചിട്ടുണ്ടെന്നും അൽ മാരി ചൂണ്ടിക്കാട്ടി. രണ്ടാമത്തെ വിഭാഗം വൈദ്യചികിത്സയ്ക്കുള്ള പിന്തുണ, ട്യൂഷൻ ഫീസ് അടയ്ക്കൽ, കടങ്ങൾ തീർക്കൽ, പാർപ്പിടം നൽകൽ, ഖത്തറിൽ താമസിക്കുന്ന ഗാസയിലെ കുടുംബങ്ങൾക്ക് സഹായം എന്നിവ ഉൾപ്പെടുന്നു, ആകെ 24,067,868 ഖത്തർ റിയാലാണ് രണ്ടാമത്തെ വിഭാഗത്തിന് നീക്കിവച്ചിട്ടുള്ളതെന്നും റിപ്പോര്‍ട്ട് വ്യക്തമാക്കുന്നു,
സകാത്ത് സഹായത്തിനുള്ള അപേക്ഷകൾ വകുപ്പിന്റെ വെബ്‌സൈറ്റ് വഴിയാണ് സ്വീകരിക്കുന്നത്.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/HqcUyFlZWDpLpVcL9LHHX8?mode=ac_t
Comments (0)