യുഎഇ മാധ്യമങ്ങളിൽ വിദേശികൾ സ്വദേശികളുടെ ശൈലിയിൽ സംസാരിക്കുന്നതിന് വിലക്ക്
യുഎഇയിൽ സ്വദേശികളല്ലാത്തവർ മാധ്യമങ്ങളിൽ പ്രത്യക്ഷപ്പെട്ട് സ്വദേശികളുടെ ശൈലിയിൽ സംസാരിക്കുന്നതിന് വിലക്ക്. ചാനലുകളിൽ യുഎഇ ശൈലിയിൽ സംസാരിക്കാൻ പൗരന്മാർക്ക് മാത്രമാണ് അനുമതിയുള്ളത്.ചില മാധ്യമങ്ങളിൽ യുഎഇ ഭാഷാശൈലിയും സാംസ്‌കാരിക ചിഹ്നങ്ങളും വളച്ചൊടിക്കപ്പെടുന്നതാണ് സ്വദേശികളല്ലാത്തവർ ഈ ശൈലയിൽ ചാനലുകളിൽ സംസാരിക്കുന്നത് വിലക്കാൻ കാരണം.
പദ്ധതികളെ കുറിച്ച് സ്വദേശികളല്ലാത്തവരും ദേശീയ വസ്ത്രം ധരിക്കാത്തവരുമായ ആരും ചാനൽ പരിപാടികളിൽ പങ്കെടുത്ത് സംസാരിക്കാൻ പാടില്ല എന്ന പുതിയ നയം മൂന്ന് മാസം മുൻപ് നടപ്പാക്കിയതായി നാഷനൽ മീഡിയ ഓഫിസ്, എമിറേറ്റ്‌സ് മീഡിയ കൗൺസിൽ ചെയർമാൻ അബ്ദുല്ല ബിൻ മുഹമ്മദ് ആലുഹാമിദ് പറഞ്ഞു.
യുഎഇ സമൂഹത്തിന്റെ ശരിയായ വ്യക്തിത്വം മറ്റുള്ളവരിൽ എത്തിക്കാൻ വേണ്ടിയാണ് ഇത്തരമൊരു നിയന്ത്രണം നടപ്പാക്കിയതെന്നും അബ്ദുല്ല ബിൻ മുഹമ്മദ് അൽ ഹാമിദ് പറഞ്ഞു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)