Pravasi Varthakal

ദുബായിൽ അനധികൃത മുറി പാർട്ടീഷനുകൾക്കെതിരെ അധികൃതർ കർശന നടപടികൾ തുടരുന്നു. നേരത്തെ വീടുകളിലും അപ്പാർട്ടുമെന്റുകളിലും മുറി പാർട്ടീഷനുകൾ നടത്തിയിരുന്ന ഉടമകൾക്ക് മുന്നറിയിപ്പുകൾ നൽകിയിരുന്നു എന്നാൽ പരിശോധനയിൽ നിയമലംഘനങ്ങൾ കണ്ടെത്തിയതിനെ തുടർന്ന് നടപടികൾ കൂടുതൽ ശക്തമാക്കുകയാണ് അധികൃതർ.

ദുബായ് മുനിസിപ്പാലിറ്റി ദുബായ് ലാൻഡ് ഡിപ്പാർട്ട്‌മെന്റ് സിവിൽ ഡിഫൻസ് എന്നിവയുടെ സഹകരണത്തോടെ ദെയ്‌റ, അൽ റിഖ, സത്‌വ, അൽ ബർഷ, അൽ റഫ തുടങ്ങിയ റെസിഡൻഷ്യൽ ഏരിയകളിൽ പരിശോധനകൾ തുടരുകയാണ്. അംഗീകൃതമല്ലാത്ത പരിഷ്കരണങ്ങളും സുരക്ഷിതമല്ലാത്ത താമസ സൗകര്യങ്ങളും തടയുക എന്നതാണ് ഈ നടപടികളിലൂടെ ലക്ഷ്യമിടുന്നത്.

നേരത്തെ ഇത് സംബന്ധിച്ച ചില മുന്നറിയിപ്പുകൾ വീട്ടുടമകൾക്ക് നൽകിയിരുന്നു എന്നാൽ വീണ്ടും ഇത്തരം കാര്യങ്ങളിൽ നിയമ ലംഘനങ്ങൾ കണ്ടെത്തിയതിനെ തുടർന്നാണ് വീണ്ടും കർശനമായ നടപടികളിലേക്ക് കടക്കുന്നത്. ദുബായ് വാടക നിയമം 2007 ലെ നിയമം നമ്പർ 26, 2008 ലെ നിയമം നമ്പർ 33 എന്നിവയിൽ സബ്ലെറ്റിംഗ്, പാർട്ടീഷനുകൾ ചേർക്കൽ, ഒക്യുപ്പൻസി നിയമങ്ങൾ എന്നിവയെക്കുറിച്ച് മാർഗ നിർദേശങ്ങൾ പറയുന്നു.കൂടാതെ ഈ നിയമങ്ങൾ വളരെ കർശനമാണ് അതിനാൽ എന്തെങ്കിലും മാറ്റങ്ങൾ വരുത്തുന്നതിന് മുമ്പ് വീട്ടുടമസ്ഥന്റെ രേഖാമൂലമുള്ള അനുവാദം വാങ്ങേണ്ടത് ഇവിടെ അത്യാവശ്യമാണ്. ഉടമസ്ഥന്റെ രേഖാമൂലമുള്ള അനുമതിയില്ലാതെ പ്രോപ്പർട്ടി പൂർണ്ണമായോ ഭാഗികമായോ മറ്റൊരാൾക്ക് സബ്ലെറ്റ് ചെയ്യാൻ പാടില്ല.

ഒരു ബെഡ്‌റൂമോ, മുറിയുടെ ഒരു ഭാഗമോ, അല്ലെങ്കിൽ കിടക്ക പങ്കിടുന്ന രീതിയിലോ വാടകയ്ക്ക് നൽകണമെങ്കിൽ പോലും ഉടമയുടെ രേഖാമൂലമുള്ള അനുമതി വാങ്ങിക്കണം ഇത് നിർബന്ധമാണ്. സബ്ലെറ്റിംഗിന് അനുമതി ലഭിച്ചാൽ പോലും വാടക കരാറിൽ പ്രോപ്പർട്ടി എന്ത് ആവശ്യത്തിനാണ് ഉപയോഗിക്കാൻ സമ്മതിച്ചിട്ടുള്ളത് എന്നത് വളരെ പ്രധാനമാണ്.കൂടാതെ സ്വകാര്യ താമസ ആവശ്യങ്ങൾക്കായി വാടകയ്ക്ക് നൽകിയ പ്രോപ്പർട്ടി ഒരു കാരണവശാലും ബിസിനസ് ആവശ്യങ്ങൾക്കോ, വാണിജ്യപരമായ കാര്യങ്ങൾക്കോ ഉപയോഗിക്കാൻ പാടില്ല. സബ്ലെറ്റിംഗ് വഴി പോലും ഈ നിയമം പാലിക്കപ്പെടണം. വീട്ടുടമ അനുവദിക്കുന്നില്ലെങ്കിൽ വിവാഹബന്ധമില്ലാത്ത വ്യക്തികൾക്ക് ഒരുമിച്ച് ഒരു മുറി വാടകയ്ക്ക് നൽകാനും കഴിയില്ല.

ദുബായിൽ ഇതിന് കർശനമായ സാമൂഹിക നിയമങ്ങളുണ്ട്. ഇത്തരം സാഹചര്യങ്ങളിൽ ഒരുമിച്ച് താമസിക്കുന്നവരുടെ എണ്ണവും അവരുടെ ബന്ധവും വീട്ടുടമയുടെ അനുമതിയെയും അപ്പാർട്ട്മെന്റിന്റെ സ്വഭാവത്തെയും അടിസ്ഥാനമാക്കിയിരിക്കും. ഉടമയുടെ അനുമതിയില്ലാതെ സബ്ലെറ്റ് ചെയ്യുന്നത് വാടക കരാറിന്റെ വ്യക്തമായ ലംഘനമാണ്. അതിനാൽ ദുബായിലെ ഈ നിയമങ്ങൾ വാടകക്കാർ പാലിക്കേണ്ടത് അത്യാവശ്യമാണ്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

ബുർജ് ഖലീഫ കാണാൻ ആഗ്രഹമുണ്ടോ? എന്നാൽ ഇനി നിങ്ങളുടെ റൂമിലിരുന്ന് കാണാം; ഉടൻ ഡൗൺലോഡ് ചെയ്യൂ

അവിശ്വസനീയം ഈ അനുഭവം; യുഎഇ ലോട്ടറിയുടെ ലക്കി ചാൻസ് നറുക്കെടുപ്പിൽ പ്രവാസിക്ക് ഒരു ലക്ഷം ദിർഹം സമ്മാനം