കുറഞ്ഞ വിലയില്‍ സ്വര്‍ണാഭരണങ്ങള്‍, കാറുകള്‍, ഇലക്ട്രോണിക്‌സ് എന്നിവ സ്വന്തമാക്കാം; ഖത്തര്‍ കസ്റ്റംസ് ലേലം ഇന്നുമുതല്‍
ദോഹ: ഖത്തറില്‍ കസ്റ്റംസിന്റെ ഓണ്‍ലൈന്‍ ലേലം ഇന്നുമുതല്‍ ആരംഭിക്കും. ഇന്ന്, ജൂണ്‍ 29 മുതല്‍ ജൂലൈ 3 വരെയാണ് ലേലം നടക്കുക.ഖത്തർ ടൂർ പാക്കേജുകൾ
ജനറല്‍ അതോറിറ്റി ഓഫ് കസ്റ്റംസിന്റെ മൊബൈല്‍ ആപ്ലിക്കേഷനായ മസാദ് അല്‍ജോംറോക്ക് ആപ്പിലൂടെയാണ് ലേലം നടക്കുന്നത്. കാറുകള്‍, ആഭരണങ്ങള്‍, ഫര്‍ണിച്ചര്‍, ഇലക്ട്രോണിക്‌സ്, വസ്ത്രങ്ങള്‍ തുടങ്ങി നിരവധി ഇനങ്ങള്‍ക്കായി ഓണ്‍ലൈന്‍ ലേലം നടത്തും. ഉപയോക്താക്കള്‍ക്ക് കുറഞ്ഞവിലയില്‍ സാധനങ്ങള്‍ സ്വന്തമാക്കാന്‍ സാധിക്കും.
കസ്റ്റംസിന്റെ ലേല ആപ്പ് ഇപ്പോള്‍ ആപ്പ് സ്റ്റോറുകളില്‍ നിന്ന് ഡൗണ്‍ലോഡ് ചെയ്യാവുന്നതാണ്. ‘മസാദ് അല്‍ജോംറോക്ക്’വഴിയാണ് ലേലം. താല്‍പ്പര്യമുള്ള ഉപയോക്താക്കള്‍ക്ക് വ്യക്തിഗത ഇനങ്ങളിലോ ഇനങ്ങളുടെ ഗ്രൂപ്പുകളിലോ ലേലം വിളിക്കാന്‍ കഴിയും.
ലേലത്തില്‍ പങ്കെടുക്കാന്‍, ആപ്പില്‍ കയറി അക്കൗണ്ട് എടുക്കണം. ബിഡ്ഡര്‍മാര്‍ അഭ്യര്‍ത്ഥിച്ച എല്ലാ രജിസ്‌ട്രേഷന്‍ വിവരങ്ങളും പൂര്‍ത്തിയാക്കുകയും ‘ഞാന്‍ സമ്മതിക്കുന്നു’ എന്ന ബോക്‌സ് ചെക്ക് ചെയ്ത് പ്ലാറ്റ്ഫോമിന്റെ നിബന്ധനകള്‍ അംഗീകരിക്കുകയും വേണം.
കുറഞ്ഞത് 18 വയസ്സ് പ്രായമുള്ളവര്‍ക്ക് രജിസ്‌ട്രേഷന്‍ നടത്താം. സാധുവായ ഡ്രൈവിംഗ് ലൈസന്‍സ് ഉണ്ടായിരിക്കണം. സ്വന്തം വിവേചനാധികാരത്തില്‍ രജിസ്‌ട്രേഷന്‍ നിരസിക്കാനോ റദ്ദാക്കാനോ ഉള്ള അവകാശം ഖത്തര്‍ കസ്റ്റംസില്‍ നിക്ഷിപ്തമാണ്.ഖത്തർ ടൂർ പാക്കേജുകൾ
ലേലത്തില്‍ പങ്കെടുക്കുന്നതിന് ചില നിബന്ധനകള്‍ പാലിക്കേണ്ടതുണ്ട്. പേര്, ഐഡി നമ്പര്‍, വിലാസം, ബന്ധപ്പെടാനുള്ള വിശദാംശങ്ങള്‍, ലിംഗഭേദം, പ്രായം എന്നിവയുള്‍പ്പെടെയുള്ള കൃത്യമായ വ്യക്തിഗത ഡാറ്റ സമര്‍പ്പിക്കണം. അതേസമയം അക്കൗണ്ടുകള്‍ കൈമാറുന്നതിനോ പങ്കിടുന്നതിനോ ഉപയോക്താക്കള്‍ക്ക് സാധിക്കില്ല.
ബാങ്ക് അക്കൗണ്ട് അല്ലെങ്കില്‍ ഐഡി വിശദാംശങ്ങള്‍ ഉള്‍പ്പെടെ തെറ്റായതോ കൃത്രിമമായി നിര്‍മ്മിച്ചതോ ആയ വിവരങ്ങള്‍ നല്‍കരുത്. ഇത് നിയമനടപടിക്ക് കാരണമായേക്കാം.
ഓരോ ഉപയോക്താവിനും ഒരു അക്കൗണ്ട് മാത്രമേ അനുവദിക്കൂ. ലേലം പിടിക്കുന്നവര്‍ക്ക് സാധനങ്ങള്‍ വാങ്ങുന്നതിന് ഡോക്കിംഗ് തീയതി മുതല്‍ പരമാവധി ഏഴ് ദിവസത്തെ സമയം അനുവദിക്കും. ഈ സമയപരിധിക്കുള്ളില്‍ സാധനങ്ങള്‍ ശേഖരിച്ചില്ലെങ്കില്‍, ലേല കമ്മിറ്റി ഔദ്യോഗികമായി കാലാവധി നീട്ടിയില്ലെങ്കില്‍ ഖത്തറിന്റെ ജനറല്‍ അതോറിറ്റി ഓഫ് കസ്റ്റംസിന് മുഴുവന്‍ ലേല തുകയും നിലനിര്‍ത്താം.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/EvxvzY3altYB4XZDZIvJjA
Comments (0)