യുഎഇയിലെ യുവ പ്രൊഫഷണലുകൾ ജോലി ഉപേക്ഷിക്കുന്നതിന്റെ പ്രധാന കാരണങ്ങൾ പുറത്ത്
ഗൾഫ് മേഖലയിൽ യുവാക്കളായ ജീവനക്കാർ കുറഞ്ഞ കാലയളവിനുള്ളിൽ ജോലി ഉപേക്ഷിക്കുന്ന പ്രവണത വർധിക്കുന്നു എന്ന് കഴിഞ്ഞ ദിവസം പുറത്തു വന്ന സർവേ റിപ്പോർട്ടിൽ പറയുന്നു. ദുബായ് ആസ്ഥാനമായ പ്രവർത്തിക്കുന്ന ഒരു ഓർഗസെെസേഷൻ ആണ് സർവേ നടത്തിയത്. 18 മുതൽ 25 വയസ്സുവരെയുള്ള 40% ജീവനക്കാരും അവരുടെ കരിയറിൽ മൂന്നോ അതിലധികമോ ജോലികൾ ഈ വർഷം മാറിയിട്ടുണ്ടെന്ന് റിപ്പോർട്ട് പറയുന്നു.ശമ്പള വർദ്ധനവ് മാത്രമല്ല, തൊഴിൽ വളർച്ച ഇല്ലായ്മ, കരിയർ ലക്ഷ്യത്തിൽ എത്തുന്നില്ല, നല്ല തൊഴിൽ അന്തരീക്ഷം ഇല്ലാതെ ഇരിക്കുക എന്നിവയാണ് പുതിയ തലമുറയുടെ ജോലി മാറ്റിന്റെ പ്രധാന കാര്യമെന്ന് സർവേ ചൂണ്ടിക്കാട്ടുന്നു. ലിങ്ക്ഡ്ഇൻ സമാനമായ ഒരു സർവേ യുഎഇയിലും സൗദിയിൽ നടത്തിയിരുന്നു. അവരും കണ്ടെത്തിയത് 75% പ്രൊഫഷണൽ ജീവനക്കാരും ഈ വർഷം പുതിയ ജോലികൾ തേടാൻ പദ്ധതിയിടുന്നു എന്ന തന്നെയാണ്.ജോലിസ്ഥലം ഒരു വരുമാന മാർഗ്ഗം എന്നതിലുപരി, തങ്ങൾക്ക് വളരാൻ സാധിക്കുന്ന സ്ഥലമാണോ എന്ന് യുവ തലമുറയിലെ ജീവനക്കാർ നോക്കുന്നുണ്ട്. അത്തരത്തിലൊരു അന്തരീക്ഷം ഇല്ലാത്ത സ്ഥലങ്ങളിൽ നിന്നും മികച്ച ശമ്പളം ഉണ്ടെങ്കിൽ പോലും യുവാക്കൾ തൊഴിൽമാറുന്നു.പലപ്പോഴും, മികച്ച തൊഴിൽ സാഹചര്യങ്ങൾ, കൂടുതൽ മെച്ചപ്പെട്ട ആനുകൂല്യങ്ങൾ, എന്നിവ തേടിയാണ് 25 മുതൽ 34 വയസ്സുവരെയുള്ള ജീവനക്കാർ പുതിയ അവസരങ്ങൾ തേടുന്നത്. ജോലിയിൽ പ്രവേശിക്കുന്ന യുവ പ്രൊഫഷണലുകൾക്ക് പഠിക്കാൻ കൂടുതൽ ആഗ്രഹമുണ്ടാകും. പക്ഷെ ശരിയായ രീതിയിൽ അല്ല അവർക്ക് കമ്പനികൾ പിന്തുണ നൽകുന്നത് എങ്കിൽ അവർ മറ്റു അവസരങ്ങൾ തേടി പോകുമെന്ന് ഈ രംഗത്ത് പഠനം നടത്തിയവർ പറയുന്നു.
തൊഴിലുടമകൾ പഴയ മാനേജ്മെൻ്റ് മടമ്പിത്തര രീതികൾ മാറ്റണം. തൊഴിലാളികൾക്ക് വളർച്ച നൽകുന്ന, അവർക്ക് ലക്ഷ്യബോധം ഉണ്ടാക്കിയെടുക്കുന്ന തരത്തിലുള്ള മാറ്റങ്ങൾ കൊണ്ടുവരണം. കരിയർ ഡെവലപ്‌മെൻ്റ് പരിപാടികൾ തൊഴിലാളികൾക്കായി നടത്തണം. ആധുനിക രീതിയിലുള്ള സൗകര്യങ്ങൾ അവർക്ക് വേണ്ടി ഒരുക്കി കൊടുക്കണം. 10. അല്ലെങ്കിൽ 15 വർഷം പഴക്കമുള്ള രീതികൾ മാറ്റി, എഐ പോലുള്ള സാങ്കേതിക വിദ്യകൾ കൊണ്ച് വന്ന് തൊഴിലാളികളെ കെെയ്യിൽ എടുക്കണം എന്ന് ചുരുക്കം.യുവ പ്രൊഫഷണലുകൾ വെറുതെ ഒരു ജോലി ചെയ്യുന്നതിലുപരി, അവരുടെ കഴിവുകൾ വികസിപ്പിക്കാനും പുതിയ കാര്യങ്ങൾ പഠിക്കാനുമുള്ള അവസരമായി ജോലിയെ കാണുന്നവർ ആണ്. തങ്ങൾ ചെയ്യുന്ന ജോലിക്ക് ഒരു ഉദ്ദേശ്യമുണ്ടെന്നും അത് സമൂഹത്തിനോ കമ്പനിക്കോ ഗുണകരമാണെന്നും യുവതലമുറ ആഗ്രഹിക്കുന്നു. അതുകൊണ്ടി തന്നെ അവരുടെ മൂല്യങ്ങളുമായി ഒത്തുപോകാത്ത ജോലികളിൽ അവർ അധികനാൾ തുടരാൻ മടിക്കുന്നു. ജോലിക്കൊപ്പം ജീവിതം ആസ്വദിക്കാൻ സാധിക്കുന്ന തരത്തിലുള്ള ജോലികൾ ഒഴിവാക്കാൻ യുവ തലമുറക്ക് ഒരു മടിയുമില്ല, ലിങ്ക്ഡ്ഇൻ, ഗ്ലാസ്ഡോർ തുടങ്ങിയ പ്ലാറ്റ്‌ഫോമുകളിലൂടെ മികച്ച തൊഴിൽ അവസരങ്ങൾ കണ്ടെത്തുകയും എളുപ്പത്തിൽ മറ്റൊരു ജോലി അവർ കണ്ടെത്തുകയും ചെയ്യുന്നു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)