Pravasi Varthakal

യാത്രക്കാരുമായി പറന്നുയർന്ന ബ്രിട്ടീഷ് എയർവേയ്സ് വിമാനം പുറപ്പെട്ട് രണ്ട് മണിക്കൂറിനുള്ളിൽ തിരിച്ചിറക്കി. ലണ്ടനിലേക്ക് പുറപ്പെട്ട വിമാനമാണ് സാങ്കേതിക തകരാർ മൂലം ബെംഗളൂരുവിൽ തിരിച്ചിറക്കിയത്.

വെള്ളിയാഴ്ച രാവിലെയാണ് സംഭവം ഉണ്ടായത്. ബിഎ 118 വിമാനം വെള്ളിയാഴ്ച രാവിലെ 7.40നാണ് ബെംഗളൂരുവിൽ നിന്ന് പുറപ്പെട്ടത്. എന്നാൽ അബുദാബി വ്യോമപാതക്ക് സമീപത്ത് വെച്ച് സാങ്കേതിക തകരാർ ശ്രദ്ധയിൽപ്പെട്ടതോടെ വിമാനം തിരികെ ബെംഗളൂരു എയർപോർട്ടിൽ ഇറക്കുകയായിരുന്നെന്ന് ബന്ധപ്പെട്ട വൃത്തങ്ങൾ അറിയിച്ചു. എന്നാൽ എന്താണ് തകരാർ എന്ന കാര്യം വ്യക്തമാക്കിയിട്ടില്ല. ബോയിങ് 772 വിമാനം രാവിലെ 6.45ന് പുറപ്പെടേണ്ടിയിരുന്നതാണ് എന്നാൽ ഒരു മണിക്കൂർ വൈകിയാണ് വിമാനം പുറപ്പെട്ടത്. അബുദാബിക്ക് സമീപമെത്തിയതിന് പിന്നാലെയാണ് തിരികെ പറന്നത്. പിന്നീട് വെള്ളിയാഴ്ച ഉച്ചയ്ക്ക് 2.30ന് ലണ്ടനിലെ ഹീത്രൂ വിമാനത്താവളത്തിലേക്ക് യാത്രക്കാരുമായി വിമാനം പുറപ്പെട്ടു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g