യുഎഇ: മാതാപിതാക്കളുമായി വഴക്കിട്ട് വീട്ടില്‍നിന്നിറങ്ങി; പെണ്‍കുട്ടിയെ തിരികെ വീട്ടിലെത്തിച്ച് പോലീസ്
മാതാപിതാക്കളുമായുള്ള വഴക്കിനെ തുടർന്ന് വീട് വിട്ടിറങ്ങിയ കൗമാരക്കാരിയെ ദുബായ് പോലീസ് വീട്ടിലെത്തിച്ചു. മാതാപിതാക്കളുമായി വഴക്കിട്ട് സുഹൃത്തിന്‍റെ വീട്ടിലേക്കാണ് പെണ്‍കുട്ടി പോയത്. പെൺകുട്ടിയെ വീട്ടിലേക്ക് തിരികെ കൊണ്ടുവരാൻ സഹായിക്കണമെന്ന് ആവശ്യപ്പെട്ട് മാതാപിതാക്കൾ നായിഫ് പോലീസ് സ്റ്റേഷനിലെത്തി. സ്റ്റേഷനിലെ വിക്ടിം കമ്മ്യൂണിക്കേഷൻസ് യൂണിറ്റ് പെണ്‍കുട്ടിയെ ബന്ധപ്പെടുകയും തുടർന്ന് ഇരുകക്ഷികളുടെയും വിശദീകരണം കേട്ടശേഷം കുടുംബവുമായി ഒരു അനുരഞ്ജന സെഷൻ നടത്തുകയും ചെയ്തു. നായിഫ് പോലീസ് സ്റ്റേഷന്റെ ആക്ടിങ് ഡയറക്ടർ ബ്രിഗേഡിയർ ജനറൽ ഒമർ അഷോർ, വിക്ടിം കമ്മ്യൂണിക്കേഷൻസ് യൂണിറ്റിലെ ജീവനക്കാരുടെ മാനുഷിക മനോഭാവത്തെയും കരുതലിനെയും, പ്രത്യേകിച്ച് സർജന്റ് സഹ്‌റ അബ്ദുൾ ഹമീദ് ഇഷാഖ്, കോർപ്പറൽ ഹസ്സൻ അലി അൽ ബലൂഷി എന്നിവരുടെ കുറഞ്ഞ സമയത്തിനുള്ളിൽ നടത്തിയ പരിശ്രമത്തെയും അഭിനന്ദിച്ചു. പോലീസ് സ്റ്റേഷനുകളിൽ നടപ്പിലാക്കുന്ന വിക്ടിം കമ്മ്യൂണിക്കേഷൻസ് യൂണിറ്റിന്റെ പരിപാടി, ദുബായ് പോലീസ് ജനറൽ ഡിപ്പാർട്ട്‌മെന്റ് ഓഫ് ക്രിമിനൽ ഇൻവെസ്റ്റിഗേഷൻ സ്വീകരിച്ച ഒരു സാമൂഹികവും മാനുഷികവുമായ സംരംഭമാണ്. മകളുമായുള്ള തർക്കം പരിഹരിക്കുന്നതിൽ അധികൃതരുടെ വേഗത്തിലുള്ള പ്രതികരണത്തിനും സഹായത്തിനും പെൺകുട്ടിയുടെ അമ്മ നന്ദി പറഞ്ഞു. ദുബായ് പോലീസിലുള്ള തന്റെ വലിയ ആത്മവിശ്വാസമാണ് കുടുംബ തർക്കം പരിഹരിക്കുന്നതിൽ അവരുടെ സഹായം തേടാൻ തന്നെ പ്രേരിപ്പിച്ചതെന്ന് അവർ പറഞ്ഞു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)